المشهيصون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شرح تغيير وتنظيم ملفات ومجلدات لينكس على شكل شجرة

اذهب الى الأسفل

شرح تغيير وتنظيم ملفات ومجلدات لينكس على شكل شجرة Empty شرح تغيير وتنظيم ملفات ومجلدات لينكس على شكل شجرة

مُساهمة من طرف عبدالرحيم مصطفى الإثنين يونيو 22, 2020 8:24 pm

السلام عليكم
ازيكم يا رجالة وعاملين ايه ؟
النهاردة هنشوف درس بسيط جدا ومحبوب عند بعض الناس اللى بتحب المظاهر
هنشوف مع بعض ازاى ننظم او نرتب او نغير او نستعرض الملفات والمجلدات فى نظام لينكس على شكل شجرة ان شاء الله

طيب ده ازاى عن طريق برنامج هنقوم بتثبيته على النظام بتاعنا يسمى بـ tree اللى معناها الشجرة
جميل جدا شكل حلو ومحبوب وطبعا فى بعض الاوبشنز اللى ممكن تخلى الشكل يبقى احسن
طيب حلو اوى نبتدى الان بأول حاجة وهيا تثبيت برنامج الشجرة (Tree)
التثبيت هيكون من خلال الطرفية (Terminal)

اذا كنت مركب على جهازك توزيعة ريدهات او فيدورا او سنتوس
افتح الطرفية ونفذ الامر التالى
رمز PHP:
yum install tree



اذا كنت مركب على جهازك توزيعة اوبنتو او لينكس منت او دبيان
افتح الطرفية ونفذ الامر التالى
رمز PHP:
sudo apt-get install tree



ملاحظة : فى دبيان مش هنحتاج sudo
بعد التثبيت بقى لو حابين نستعرض محتوى مجلد مثلا على شكل شجرة
مثلا لو حابين نستعرض محتوى مجلد Music على شكل شجرة
ننفذ الامر التالى فى الطرفية
رمز PHP:
tree /home/elsyad/Music



نلاحظ الشكل الجميل ظهر قدامنا فى الصورة



زى ما قولنا ان فى اوبشنز خاصة بالبرنامج tree
فى الطبيعى ان برنامج الشجرة مش بيعرض الملفات المخفية او اللى بتبتدى بـ نقطة
او المجلد الحالى اللى بنشير ليه بـ نقطة او المجلد السابق اللى بنشير ليه بنقطتين
عشان نظرههم فى الطرفية مع البرنامج ننفذ الامر التالى
رمز PHP:
tree -a /home/elsyad/Music



نشوف بالصورة الجاية



ممكن نستعرض المجلدات فقط من خلال الاوبشن -d
ننفذ الامر التالى
رمز PHP:
tree -d /home/elsyad



نشوف التطبيق



ممكن كمان نخليه يستعرض بالوان البرنامج الافتراضية من خلال الاوبشن -c
ننفذ الامر التالى
رمز PHP:
tree -c /home/elsyad/Music



وهكذا وفيه كتير اوبشنز مضافة الى البرنامج الجميل ده فى ترتيب المجلدات والملفات على لينكس
طيب نيجى بقى لـ قائمة الاوبشنز الخاصة بالبرنامج
ممكن تتطبق الامر التالى
رمز PHP:
man tree



هيظهرلك كل الاوبشنز مع شرح بسيط عنها
بكده نكون وصلنا لاخر المقال يا رجالة واخر درس النهاردة
ان شاء الله يكون واضح وبسيط واى حاجة مش واضحة اسأل عنها
اى استفسار او اضافة اهلا بيها
الصياد /.

عبدالرحيم مصطفى

المساهمات : 37
تاريخ التسجيل : 18/06/2020

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى